У Маскоўскім судзе Берасьця тром асобам вынесьлі прысуд за выраб і падвешваньне пудзіла на Варшаўскай шашы. Іх абвінавацілі ў злосным хуліганстве на падставе ч. 2 арт. 339 Крымінальнага кодэксу, піша Радыё Свабода.
Паводле вэрсіі сьледзтва, 23 кастрычніка Юлія Бодак і Вольга Завадская вырабілі пудзіла і прывезьлі да месца «імправізаванага пакараньня» на Варшаўскай шашы. Падняцьцем яго на «лобнае месца» займаўся Андрэй Колас разам зь «нявызначанай асобай», зь якой пазнаёміўся ў адным з чатаў.
З абвінаваўчага заключэньня вынікае, што вечарам 23 кастрычніка 2020 году Юлія і Вольга, выехаўшы за горад на аўтамабілі, вырабілі са сьмецьцевых пакетаў, плястыкавых бутэлек і рэшткаў сухой расьліннасьці пудзіла, якое самі ж даставілі на Варшаўскую шашу і кінулі ў лесапаласе паміж Чырванасьцяжнай і Махновіча. Празь некалькі гадзін да іх пад’ехаў Андрэй Колас, разам са сваім знаёмым з чату — яны абматалі манэкен вяроўкай і прымацавалі да дрэва, «імітуючы павешаньне».
Сьледзтва і дзяржабвінавачваньне сьцьвярджаюць, што гэта было пудзіла «Прэзыдэнта Рэспублікі Беларусь». На пудзіле былі таблічкі «асудзіў невінаватых» і «скраў галасы».
Аднак па словах самой Юліі Бодак, пудзіла, якое складалася з 2 сьмецьцевых пакетаў, ня мела канкрэтнага прататыпу, а хутчэй стала зборным вобразам. Жанчына патлумачыла, што зрабіць такі «пэрформанс» яны вырашылі не з хуліганскіх меркаваньняў, а выключна для таго, каб прыцягнуць увагу грамадзкасьці да таго, што адбываецца вакол.
«Мабыць, сьледчаму было сумна, і ён вырашыў дзеля прыгожага слоўца прыплесьці прэзыдэнта РБ. Навошта ён так зрабіў, да гэтага часу для нас загадка. Пра прэзыдэнта там і гаворкі не вялося — не было ні вусоў, нічога», — казала раней Свабодзе Юлія Бодак. Яе і яшчэ адну абвінавачваную, Вольгу Завадзкую, праваабаронцы прызналі палітвязьнямі.
Суда над берасьцейцамі праходзілі з 29 сакавіка па 1 красавіка. Юлія Бодак сваю віну не прызнала, Андрэй Колас і Юлія Завадзкая прызналі часткова.
Выніковы вэрдыкт суду — для жанчын 3 гады так званай «хатняй хіміі», для Андрэя — 3 гады абмежаваньня волі з накіраваньнем ва ўстанову адкрытага тыпу. Такі ж тэрмін раней прасіў пракурор.
Меру стрыманьня ім зьмянілі з хатняга арышту (пад ім знаходзіліся ўсе 3 абвінавачаных з 18 лютага па 1 красавіка) на падпіску аб нявыезьдзе.
Чытайце таксама:
За пудзіла Лукашэнкі пракурор просіць абмежаванне волі для траіх жыхароў Брэста
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары