2 красавіка вайсковец тэрміновай службы пакінуў палігон у Брэсцкай вобласці за рулём грузавіка. Мяркуецца, ён накіраваўся да месца пражывання сваёй дзяўчыны ў Полацкі раён.
Аўтамабіль знойдзены на абочыне праезнай часткі ва Ушацкім раёне, а сам Аляксандр схаваўся ў лесе каля вёскі Сарочына.
Цяпер у 11 раёнах Віцебскай вобласці праводзяцца спецыяльныя мерапрыемствы: міліцыя рэгіёна, унутраныя войскі, АМАП сумесна з падраздзяленнямі Мінабароны прачэсваюць мясцовасць.
Яго прыкметы: на выгляд 20 гадоў, спартовы целасклад, рост 182 см, валасы кароткія, цёмныя.
Ён быў апрануты: зялёны камуфляж, чорныя берцы.
Міліцыя просіць, калі вядома пра яго месцазнаходжанне, неадкладна паведаміць у міліцыю па тэлефоне 102.
