Прысуд агучылі 1 красавіка ў Брэсцкім абласным судзе.
3 верасня 54-гадовага Алега Бузмакова мясцовая міліцыя спыніла на вакзале горада Янаў. Мужчына дастаў з патаемнай кішэні нож і кінуўся на аператыўнікаў. Адзін з міліцыянтаў атрымаў пранікальнае раненне брушнай паражніны, рэзаныя раны шыі і грудзей, ён трапіў у рэанімацыю, але выжыў.
З таго часу Бузмакоў быў пад вартай. Яго вінавацілі ў замаху на забойства і ў незаконным перасячэнні мяжы. Вынік — 18 гадоў калоніі ўзмоцненага рэжыму і штраф у 1350 рублёў.
Прысуд яшчэ не ўступіў у законную сілу і можа быць абскарджаны.
Цікава, што раней Бузмакова ўжо судзілі: ён кідаўся з нажом на жаніха сваёй былой сужыцелькі, нават парэзаў хлопцу руку і твар. Але ж за тое расіяніна нават не змясцілі пад варту: затрымалі, але адпусцілі, ён застаўся на волі, працягваў пагражаць сваёй былой. У пачатку 2020 года суд пакараў Алега толькі штрафам у 50 базавых за нанясенне менш цяжкіх цялесных пашкоджанняў і абавязаў выехаць з Беларусі. Той патрабаванне праігнараваў, за што быў дэпартаваны. Працягваў пагражаць былой сужыцельцы і яе маці, а неўзабаве і вярнуўся ў Янаў — з сабою меў нож, сякеру і чорную маску. Але да жанчыны не даехаў — ваяж скончыўся нападам на міліцыянта, пасля чаго мужчына ўсё ж быў затрыманы.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары