Калектыўны імунітэт у папуляцыі выпрацоўваецца, калі на хваробу непаддатныя 70-85% насельніцтва. Пасля гэтага вірус пачынае згасаць, упіраючыся ў нябачны бар'ер: вакол носьбітаў застаецца замала патэнцыйных пераносчыкаў.
На сёння ў ЗША як мінімум адну дозу вакцыны атрымалі 32% насельніцтва, у Літве — 15%, у Польшчы і Нямеччыне — 12%. На думку еўракамісара па пытаннях прамысловасці Т'еры Брэтона, які ў Еўракамісіі адказвае за пытанні вытворчасці вакцын ад кавіду, у краінах ЕС, з улікам росту тэмпу вакцынацыі, калектыўны імунітэт будзе дасягнуты ў сярэдзіне ліпеня, піша «Монд». У ЗША гэта здарыцца на месяц-паўтара раней.
Расія па тэмпах вакцынацыі адстае ад краін Еўрасаюза. На сёння там прышчапілі менш за 6% насельніцтва.
Беларусь жа толькі-толькі распачала вакцынацыю, прышчэпку пакуль атрымалі менш за 1% людзей, пераважна медыкі. Па тэмпе вакцынацыі нас пакуль нязначна апераджаюць Малдова і Украіна. Беларусь атрымала партыі вакцыны ад Расіі і Кітая, тады як нашы паўднёвыя суседзі — ад Еўрасаюза.
Сусветныя лідары па вакцынацыі, статыстыка «Уол-стрыт джорнал:
Беларусь пакуль — у нізе табліцы:
Беларуская ахова здароўя звязвае надзеі з разлівам Sputnik V на мясцовых вытворчых магутнасцях, пастаўкі з якіх маюць пачацца на наступным тыдні.
