На Мінскім трактарным заводзе каля паўночы адбыўся пажар праз загаранне алівы ў кансервацыйнай ванне. Падрабязнасці распавялі Tut.by у прэс-службе МНС.
Пра тое, што на МТЗ каля паўночы прыехалі не менш за дзясятак машын ратавальнікаў і хуткая дапамога, сталі пісаць у сацыяльных сетках.
У МНС патлумачылі, што ў 23.34 ім паступіла паведамленне пра пажар у складскім памяшканні на тэрыторыі ААТ «МТЗ» па адрасе вуліца Даўгабродская, 29.
Адбылося загаранне алівы ў металічнай кансервацыйнай ванне на ўчастку кансервацыі аднаго са складоў. Агонь перакінуўся на драўляныя элементы даху. Плошча пажару склала 50 кв. м.
— Пашкоджаныя драўляныя элементы даху, шыфернае пакрыццё даху склада, закураны кансервацыйны ўчастак. Прычына пажару — высвятляецца, — распавялі ў прэс-службе ведамства.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню49
Каментары