Міністр замежных спраў Расіі Сяргей Лаўроў заявіў, што Масква перасцерагла ўлады Турцыі «ад падсілкоўвання мілітарысцкіх настрояў», паведамляе РБК.
ТАСС
Лаўроў таксама адзначыў, што Расія рэкамендавала ўсім краінам, у тым ліку і Турцыі, прааналізаваць заявы ўладаў Украіны, а таксама «не заахвочваць яго (Кіева) ваяўнічасць».
10 красавіка прэзідэнт Турцыі Рэджэп Таіп Эрдаган заявіў, што Турцыя прынцыпова не прызнае анексію Крыма. Ён дадаў, што двухбаковыя адносіны Анкары і Кіева нацэлены на тое, каб Чорнае мора заставалася «морам міру, спакою і супрацоўніцтва». Акрамя таго, Эрдаган падтрымаў мінскія пагадненні як спосаб дээскалацыі канфлікту на Данбасе.
Каментары