Фота Надзеі Бужан
У чацвер будзе хмарна. Чакаюцца дажджы, ноччу і раніцай па захадзе краіны магчымы мокры снег. Днём месцамі па ўсходзе краіны чакаюцца моцныя дажджы, магчымыя навальніцы, паведамляе pogoda.by.
Уначы +2..+ 8°С, днём ад +6°С на паўночным захадзе да +16°С па Гомельшчыне. У Мінску да +12°С.
У пятніцу таксама хмарна. На большай частцы тэрыторыі краіны — дажджы, днём у асобных раёнах — навальніцы. Днём +9..+15°С, у заходніх раёнах +7..+8°С, у Мінску да +13°С.
У суботу, дзень Рэспубліканскага суботніка, кароткачасовыя дажджы, днём у асобных раёнах навальніцы. Днём +10..+16°С. У Мінску да +14°С.
