Раней Андрэй 7 месяцаў быў палітычным зняволеным у СІЗА на Валадарскага ў рамках «справы Ціханоўскага». Вінавацілі паводле ч. 1 арт. 342 КК (Арганізацыя і падрыхтоўка дзеянняў, якія груба парушаюць грамадскі парадак). 26 лістапада 2020 года Новікава дэпартавалі ў Расію, забараніўшы наведваць Беларусь цягам 10 гадоў.
Андрэй Новікаў усё ж прыехаў у Беларусь. Сілавыя органы дазналіся пра гэта і затрымалі яго прыкладна ў 21.30 у Паставах. Ён прыехаў туды наведаць жонку з дзецьмі. У Андрэя паўтарагадовая дачка і яшчэ адна дачка-інвалід.
Яго прывезлі ў Пастаўскі РАУС. Папярэдне былому палітвязню інкрымінуюць арт. 371 КК РБ (Незаконнае перасячэнне дзяржаўнай мяжы). У пятніцу 16 красавіка ў прысутнасці адваката яму выставяць афіцыйнае абвінавачанне.
