Ціханоўская, Калеснікава і Цапкала сталі лаўрэаткамі прэстыжнай нямецкай прэміі
Прэмія імя Льва Копелева за мір і правы чалавека сёлета прысуджана прадстаўніцам Беларусі Святлане Ціханоўскай, Марыі Калеснікавай, Вераніцы Цапкала, піша «Радыё Свабода».
Фота Надзеі Бужан
Аналагічнай прэміяй за 2020 год, уручэнне якой адклалі ў сувязі з пандэміяй, адзначаць расійскую мэдыяарганізацыю «ОВД-Инфо» і асуджанага гісторыка Юрыя Дзмітрыева. Аб’яднаная цырымонія пройдзе анлайн, пра дату арганізатары паведамяць дадаткова.
У анатацыі ўзнагароды адзначаецца, што Святлана Ціханоўская, Марыя Калеснікава і Вераніка Цапкала «з велізарнай мужнасцю вядуць палітычную і асабістую барацьбу за дэмакратыю і супраць фальсіфікацыі прэзідэнцкіх выбараў у Беларусі», стаўшы тварамі мірнага пратэсту ў Беларусі.
Дзмітрый Лукашэнка хоча паставіць пад кантроль усе мабільныя тэлефоны11
Каментары