У Францыі прысудзілі да пажыццёвага беларускага найміта, датычнага да гібелі міратворцаў
У чацвер суд у Парыжы завочна прысудзіў да пажыццёвага зняволення двух івуаірыйскіх афіцэраў і ўраджэнца Беларусі, якія маюць дачыненне да гібелі дзевяці французскіх міратворцаў у Кот-д'Івуары. Пра гэта паведамляе Tut.by са спасылкай на France 24.
Грамадзяне Кот-д'Івуара Анж Маглуар Ацюалі і Патрыс Уэй, а таксама грамадзянін Беларусі Юрый Сушкін былі прызнаныя вінаватымі ў правядзенні рэйду каля івуарыйскага горада Буаке 6 лістапада 2004 года. Тады два знішчальнікі-бамбавіка арміі прэзідэнта Кот-д'Івуара Ларана Гбагбо кінулі бомбы на базу французскіх вайскоўцаў. У выніку загінулі дзевяць французскіх вайскоўцаў і грамадзянін ЗША, супрацоўнік гуманітарнай місіі. Яшчэ 38 вайскоўцаў былі параненыя.
Прэзідэнт Ларан Гбагбо патлумачыў бамбаванне базы памылкай. Ударам у адказ Францыя знішчылі амаль усе вайскова-паветраныя сілы Кот-д'Івуар: два штурмавікі Су-25 і пяць баявых верталётаў.
Грамадзянскімі пазоўнікамі на працэсе ў Парыжы, які пачаўся 29 сакавіка, выступілі каля сарака чалавек, сваякі загінулых французскіх вайскоўцаў, а таксама тыя, хто атрымаў раненні ў бамбардзіроўцы.
Суд быў завочным, бо тром абвінавачаным удалося збегчы. Як паведамляе France 24, на наступны дзень пасля авіяўдару французскія войскі ў Абіджане затрымалі 15 наймітаў з Расіі, Беларусі і Украіны, а праз чатыры дні вызвалілі іх. Па версіі следства, французскім дыпламатам, салдатам і выведцы было дадзена ўказанне «не ўмешвацца» ў гэтую справу.
Сушкіна і яшчэ семярых беларускіх наймітаў праз некалькі дзён затрымалі зноў і зноў адпусцілі.
Сёння парыжскі суд прызнаў Сушкіна і двух івуарыйскіх афіцэраў вінаватымі ў забойстве людзей і прысудзіў да пажыццёвага зняволення. Як прысуд прывядуць у выкананне — невядома, месцазнаходжанне асуджаных у цяперашні час не высветлена.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў31
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары