ТАСС
«Федэральнай службай бяспекі РФ сумесна з Камітэтам дзяржаўнай бяспекі Рэспублікі Беларусь (РБ) у выніку праведзенай спецаперацыі спыненая супрацьпраўная дзейнасць, Зянковіча Юрыя Леанідавіча, які мае двайное грамадзянства ЗША і Беларусі, і грамадзяніна Беларусі Фядуты Аляксандра Іосіфавіча, якія планавалі ажыццяўленне ваеннага перавароту ў Беларусі па адпрацаваным сцэнары «каляровых рэвалюцый» з прыцягненнем мясцовых і ўкраінскіх нацыяналістаў, а таксама фізічная ліквідацыя прэзідэнта Аляксандра Лукашэнкі», — гаворыцца ў заяве, паведамляе ТАСС.
Паводле звестак ФСБ, Зянковіч прыбыў у Маскву пасля кансультацый у ЗША і Польшчы для сустрэчы з прадстаўнікамі Узброеных Сіл Беларусі, каб пераканаць іх удзельнічаць у вайсковым перавароце з удзелам мясцовых і ўкраінскіх нацыяналістаў.
«Пасля дакументавання названай сустрэчы змоўшчыкі былі затрыманыя расійскімі органамі бяспекі і перададзеныя беларускім партнёрам», — паведамілі ў ФСБ.
Там адзначылі, што пераварот планаваўся ў Мінску 9 мая падчас параду Перамогі.
Цікава, што парады 9 мая ў Мінску звычайна не праводзяцца, калі гэта не юбілейны год. Такім чынам, у мінулым годзе быў, але гэта было 75-годдзе Перамогі. У 2018-м і 2019-м парадаў 9 мая не было, былі звычайныя шэсці на праспекце Незалажнасці, а парады былі 3 ліпеня, у Дзень Незалежнасці, калі быў вызвалены Мінск ад нацыстаў.
Лукашэнка заявіў, што Зянковіч і Фядута рыхтавалі замах на яго
