Свет

Медыкі: Навальны ў крытычным стане, у любы момант адмовяць ныркі ці сэрца

Аналізы крыві Аляксея Навальнага кажуць аб празмерна высокім узроўні калію, што можа прывесці да вельмі цяжкіх наступстваў.

Аналізы крыві расійскага апазіцыйнага палітыка Аляксея Навальнага, якія апынуліся ў распараджэнні медыцынскіх спецыялістаў з прафсаюза «Альянс дактароў», кажуць пра тое, што стан апазіцыянера блізкі да крытычнага. Пра гэта ў суботу, 17 красавіка, напісала ў сваім мікраблогу ў сацсетцы Twitter Анастасія Васільева, якая называе сябе лекарам Навальнага, піша DW.

Згодна з аналізам, зробленым клініка-біяхімічнай лабараторыяй бальніцы для асуджаных ВК-3 УФСВП па Уладзімірскай вобласці, утрыманне калію ў сыроватцы крыві Навальнага складае 7,1 ммоль/л.

«Гэтыя лічбы крытычныя, — падкрэслівае Васільева. — Гэта азначае і ныркавую недастатковасць, і тое, што ў любую хвіліну могуць адбыцца цяжкія парушэнні рытму сэрца: фібрыляцыя жалудачкаў аж да спынення сэрца».

Днём раней, 16 красавіка, прадстаўнікі «Альянсу дактароў» накіравалі ў Федэральную службу выканання пакаранняў РФ ліст з заклікам экстранна пачаць перамовы і прыступіць да лячэння Навальнага. «Мы гатовыя неадкладна пачаць перамовы і зрабіць усё магчымае сёння, бо любое прамаруджванне і чаканне цягам выходных дзён можа прывесці да цяжкіх наступстваў для жыцця і здароўя нашага пацыента», — гаварылася ў звароце.

Між тым Яраслаў Ашыхмін, які таксама называе сябе доктарам Навальнага, пацвердзіў, што калій у яго пацыента «катастрафічна высокі» і што чалавек з «такім узроўнем калію павінен назірацца ў рэанімацыі». Акрамя таго, Ашыхмін адзначыў, што ў палітыка назіраецца рост крэатыніну, што «можа сведчыць на карысць наяўнасці ныркавай недастатковасці».

16 красавіка сам Аляксей Навальны паведаміў аб сур'ёзным пагаршэнні здароўя. Па яго словах, супрацоўнікі калоніі гатовыя перайсці да яго прымусовага кармлення «ўжо цяпер», аднак па-ранейшаму адмаўляюцца дапусціць да Навальнага яго дактароў.

Расійскі апазіцыянер Аляксей Навальны быў затрыманы 17 студзеня, калі вяртаўся ў Расію з Германіі, дзе праходзіў лячэнне пасля атручвання. Яго асудзілі на тры з паловай года, замяніўшы ўмоўны тэрмін на рэальны па справе «Іў Рашэ». У турме ён абвясціў галадоўку.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Калінкавічах закрылі радзільнае аддзяленне — каб нарадзіць, трэба ехаць у іншы раён5

У Калінкавічах закрылі радзільнае аддзяленне — каб нарадзіць, трэба ехаць у іншы раён

Усе навіны →
Усе навіны

У Бангладэш вайсковы самалёт пратараніў школу, у якой было шмат дзяцей

Вызначыліся магчымыя супернікі беларускіх клубаў у 3-м раўндзе кваліфікацыі еўракубкаў

Ціханоўскі паказаў сваю трэніроўку32

«Адмыла кватэру, а яна кажа: выязджай». Беларуска зняла аднапакаёўку ў Мінску, але гаспадыня ўбачыла «камуналку» і перадумала2

Чым кормяць у рэстаране нетрадыцыйнай беларускай кухні?2

У Італіі адмянілі выступ расійскага дырыжора Валерыя Гергіева2

Ізраіль пачаў наземную і паветраную аперацыю ў цэнтры сектара Газа9

Зноў адменены шэраг рэйсаў у Маскву, Санкт-Пецярбург і Калугу1

Калега, якую пяшчотна абдымаў гендырэктар IT-кампаніі Astronomer на канцэрце Coldplay, замужам за іншым гендырэктарам11

больш чытаных навін
больш лайканых навін

У Калінкавічах закрылі радзільнае аддзяленне — каб нарадзіць, трэба ехаць у іншы раён5

У Калінкавічах закрылі радзільнае аддзяленне — каб нарадзіць, трэба ехаць у іншы раён

Галоўнае
Усе навіны →

Заўвага:

 

 

 

 

Закрыць Паведаміць