Польшча абвергла заяву ФСБ аб датычнасці да падрыхтоўкі замаху на Лукашэнку
Пра гэта заявіў кіраўнік канцылярыі польскага прэзідэнта Кшыштаф Шчэрскі.
— Польшча ніколі не ўдзельнічала, не планавала і не плануе ніякіх дзеянняў па падрыхтоўцы замаху на Аляксандра Лукашэнку. Калі хтосьці [або] пан Аляксандр Лукашэнка кажа такія рэчы, то ён хлусіць. Польшча не ўдзельнічае ні ў якіх падобных дзеяннях. Прашу гэта пачуць — па-першае. І ведаць: калі хтосьці гэта пану падкідвае, яго падманваюць, — сказаў Шчэрскі ў эфіры тэлеканала TVP Info, піша Tut.by.
Раней «абсалютна ілжывай» назвалі заяву аб датычнасці амерыканскіх уладаў да змовы супраць Лукашэнкі ў Дзярждэпартаменце ЗША.
17 красавіка ФСБ РФ паведаміла, што затрыманыя ў Маскве беларускі палітолаг Аляксандр Фядута і амерыканскі адвакат беларускага паходжання Юрый Зянковіч планавалі вайсковы пераварот у Беларусі і фізічную ліквідацыю Лукашэнкі. Сцвярджалася, што ў расійскую сталіцу Зянковіч прыбыў «пасля праведзеных кансультацый у ЗША і Польшчы».
Фядута і Зянковіч вывезены ў Беларусь. Распачатая крымінальная справа па ч. 1 арт. 357 Крымінальнага кодэкса («Змова або іншыя дзеянні, здзейсненыя з мэтай захопу ці ўтрымання дзяржаўнай улады неканстытуцыйным шляхам»). Максімальнае пакаранне — да 12 гадоў пазбаўлення волі.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары