У ЗША распрацавалі перспектыўны сродак для барацьбы з хваробай Альцгеймера
Мільёны старых людзей ва ўсім свеце пакутуюць ад хваробы Альцгеймера, пра сумнавядомыя сімптомы якой ведае кожны: страта памяці, ненармальныя паводзіны і бездапаможнасць.
Сканаванне мозгу выявіла, што за дзесяцігоддзі да таго, як у пацыентаў з’яўляюцца кагнітыўныя праблемы, у іх назапашваюцца амілоідныя бляшкі. Гэта назіранне паспрыяла распрацоўцы новых метадаў лячэння, піша The Wall Street Journal.
Адзін з найбольш перспектыўных прэпаратаў на сённяшні дзень — адуканумаб (aducanumab), распрацоўкай якога займаецца амерыканская біятэхналагічная кампанія Biogen.
Адуканумаб уздзейнічае на пэўныя малекулы амілоіду, каб ачысціць бляшкі. Апошнія даследаванні паказалі, што прэпарат знішчае 71% назапашаных бляшак праз 18 месяцаў, а таксама значна запавольвае хуткасць развіцця хваробы. Пацыенты з хваробай Альцгеймера, якія атрымлівалі вялікія дозы прэпарату, маглі дзейнічаць больш незалежна.
Пакуль што адуканумаб не прайшоў сертыфікацыю FDA, кантрольныя органы запатрабавалі пераправеркі яго эфектыўнасці, але вельмі верагодна, што навукоўцы нарэшце наблізіліся да прарыву ў лячэнні хваробы Альцгеймера.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня3
Каментары