Пра гэта паведаміў прэзідэнт Азербайджана Ільхам Аліеў у інтэрв'ю азербайджанскаму тэлебачанню, апублікаваным на сайце кіраўніка дзяржавы, піша РБК.

Паводле яго слоў, Мінабароны РФ у адказ на афіцыйны запыт ад азербайджанскіх калег абмежавалася паведамленнем, што не зафіксавала падчас апошніх сутыкненняў у Карабаху выкарыстанне «Іскандэраў».

«Гэта не поўны адказ на наш ліст. Галоўным пытаннем нашага ліста было тое, як забароненыя і смяротныя ракеты «Іскандэр-М» трапілі ў рукі Арменіі?» — растлумачыў Аліеў. Ён назваў сітуацыю непрыемнай і адзначыў, што Азербайджан спадзяецца на шчырыя зносіны са сваімі стратэгічнымі партнёрамі, у тым ліку з Расіяй.

Аліеў дадаў, што ў расійскіх СМІ цыркулююць «бессэнсоўныя» версіі паходжання ракет. Сярод іх, адзначыў прэзідэнт, ёсць здагадка, што насамрэч Азербайджан сам разам з Турцыяй вывез рэшткі «Іскандэраў-М» з Сірыі і пакінуў іх у Шушы. «Гэта адкрытае абвінавачванне супраць нас. У чым нас абвінавачваюць, у махлярстве? <…> Мы ніколі не рабілі такога махлярства. Навошта нам гэта рабіць? <…> Мы хочам трывалага міру ў рэгіёне. <…> Навошта нам рабіць гэтую правакацыю?» — адзначыў азербайджанскі лідар.

Паводле яго слоў, ёсць толькі два варыянты, як «Іскандэры-М» маглі апынуцца ў армянскай арміі.

Альбо вайскоўцы атрымалі іх кантрабандай, альбо ракеты былі перададзеныя Арменіі «насуперак міжнародным нормам і правілам».

На карысць першай версіі сведчыць тое, што, па сцвярджэнні Аліева, падчас апошніх сутыкненняў у Карабаху армянскія гандляры зброяй незаконна вывезлі вялікую колькасць узбраення з Расіі ў Арменію на пасажырскіх і грузавых самалётах.

Прэзідэнт дадаў, што «Іскандэр-М» афіцыйна не пастаўляецца на экспарт, таму такіх ракет законным шляхам не можа быць у аніводнай краіны. Экспартаваць можна толькі «Іскандэр-Э», яго далёкасць складае 280 км, а ў «Іскандэра-М» — 500 км.

Аліеў таксама абвінаваціў армянскі бок у тым, што на пытанне пра «Іскандэры» ён не дае ніякіх адказаў.

Раней прэм'ер-міністр Арменіі Нікол Пашынян абмовіўся, што расійскія «Іскандэры» паказалі крайне нізкую эфектыўнасць: на 90% не траплялі ў цэль. Гэтая заява выклікала злую рэакцыю ў Расіі, пасля гэтага кіраўнік Арменіі заявіў, што яго няправільна праінфармавалі.