Экс-гулец зборнай Беларусі па баскетболе Ліндсэй Хардынг узначаліла жаночую зборную Паўднёвага Судана.
Пра гэта Хардынг паведаміла ў інстаграме, піша Прэсбол.
Хардынг выступала за зборную Беларусі ў 2015-2018 гадах (яна на клубным узроўні ў той час гуляла за «Курск», а потым за турэцкі «Гелістэрынглер») на пазіцыі плэймейкера, дапамагла нашай камандзе заваяваць пуцёўку на Гульні ў Рыа і глядзелася добра ў зборнай.
Па сканчэнні кар'еры гульца была скаўтам у «Філадэльфіі».
Ліндсэй у кастрычніку 2020 года выступіла ў абарону асуджанай на 15 сутак, былога партнёра па камандзе Алены Леўчанка.
«Алена — выдатны чалавек з вялікім сэрцам. Яна ўсіх любіць. Алена — адна з найлепшых таварышаў па камандзе, якія ў мяне калі-небудзь былі. Я так ганаруся ёю, што яна на правільным баку — гэта застанецца ў гісторыі. Яна за перамены для будучыні Беларусі. Я падтрымліваю яе і людзей, якія хочуць перамен.
У гісторыі маёй краіны тысячы былі арыштаваныя, змагаючыся за перамены. Калі б людзі не змагаліся, я, як цемнаскурая жанчына, не мела б права галасаваць і хадзіць у школу. Людзі змагаліся за мяне, а Алена змагаецца за будучыню Беларусі», — казала тады Хардынг.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце25
Каментары