Жыццё пасля смерці: Айрын Прусік з Нью-Ёрку пайшла з жыцця ў 2003 годзе, але ж сёлета ў красавіку завітала ў тамтэйшую аўтаінспекцыю, каб прадоўжыць кіроўніцкія правы. Калі прышэліцу з іншага свету затрымалі паліцыянты, высветлілася, што гутарка вядзецца пра яе сына, які дзеля сваіх махлярскіх аперацыяў пераапранаўся ў маці цягам апошніх 6 гадоў. На судзе мамчын сынок даводзіў, што сам зрабіўся маткай, паколькі прысутнічаў пры яе смерці. Прысяжныя веры не далі, і ў гэтую пятніцу 49-гадоваму Томасу Паркіну вынеслі абвінавачванне ў кродзежы 117 тысяч даляраў падманным шляхам.
Маці пайшла з жыцця ва ўзросце 73 гадоў, сын жа схаваў гэты факт ад муніцыпальных уладаў і, падрабіўшы дакументы, пачаў штомесяц атрымліваць ейную 700-даляравую пенсію (за 6 гадоў блізу 52 тысячаў). Апроч таго, ашуканец меў грашовую кампенсацыю, пасля таго, як падрабіў дакументы, паводле якіх ён стаў лічыцца інвалідам пры маці-пенсіянерцы.
На здымку ў парыку і сонечных акулярах засняты сын, а побач - яго паплечнік па круцельствах, які выдаваў сябе за пляменніка нябожчыцы.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары