Санітарна-эпідэміялагічная служба Мінска сёння, 22 красавіка, зрабіла адбор проб пітной вады на раённых павышальных помпавых станцыях і 53 сацыяльна-значных аб'ектах Заводскага, Ленінскага і Кастрычніцкага раёнаў. Пра гэта інфармуе Тelegram-канал «Мінск. Афіцыйна».
— Згодна з вынікамі лабараторных даследаванняў, пробы вады на некалькіх аб'ектах не адпавядалі нормам па паказчыку «мутнасць» і колькасці жалеза. Улічваючы атрыманыя вынікі даследаванняў, рэкамендуем выкарыстоўваць ў пітных мэтах бутыляваную альбо прывазную ваду. Кантроль якасці пітной вады, якая падаецца насельніцтву Заводскага, Ленінскага і Кастрычніцкага раёнаў Мінска, працягваецца, — адзначылі ў санэпідслужбе горада.
Каментары