Суд над бабруйскімі падпольшчыкамі: у гаражы аднаго з іх міліцыя ставіла відэажучок
У Бабруйску 22 красавіка павінна было працягнуцца пасяджэнне па крымінальнай справе аб падпале «Табакеркі», размалёўванні рэкламных канструкцый, спыненні таварнага цягніка і прабітых колах ў аўтамабіля супрацоўніка міліцыі.
Абвінавачанымі па справе праходзіць чатыры жыхара горада: Аляксандр Назаровіч, Аляксандр Мар'ясаў, Аляксандр Гаўрылаў, Віталь Васілевіч.
Як стала вядома, працэс не адбыўся праз тое, што адзін з абвінавачаных з’яўляецца кантактнай асобай 1 узроўню па COVID-19, паведамляюць праваабаронцы.
На папярэднім пасяджэнні адбыўся допыт двух сведак і вывучэнне пісьмовых матэрыялаў справы. Як аказалася, у гаражы падазраванага Назаровіча была ўсталяваная камера. Яна была размешчаная за 8 дзён да затрымання абвінавачаных.
У адзін з дзён Назаровіч распавядаў Гаўрылаву, як назіраў за супрацоўнікам міліцыі, які раніцай прабіў кола аўтамабіля аб падкладзеныя абвінавачанымі вострыя шыпы.
Таксама ў гаражы абмяркоўвалі падпал ці замалёўванне банера, вывешванне сцяга, нанясенне розных надпісаў, збіралі самаробныя прылады з гадзіннікавым механізмам.
— Паедзем паліць будку? — запытваў Мар’ясаў у Гаўрылава.
— Палі, я пакуль не буду, — адказвае Гаўрылаў.
— Буду паліць, — кажа Назаровіч.
У памяшканні рыхтавалі гаручую сумесь, на вуліцы правяралі, як яна гарыць. Абмяркоўвалі палітычную сітуацыю ў краіне, а таксама, што падпалам «Табакерак» і нанясеннем графіці наўрад ці можна змяніць сітуацыю ў лепшы бок. Рыхтавалі і выпрабоўвалі выбухпакеты.
Казалі і пра тое, што трэба ў гаражы паставіць датчык руху, жартавалі наконт датчыка і праслухоўкі.
Таксама з расшыфроўкі вынікае, што абвінавачаныя Мар'ясаў, Назаровіч і Васілевіч шмат казалі пра розную зброю, у тым ліку пра яе набыццё, пра гаручасць і іншых уласцівасці рэчываў і мэтазгоднасці іх выкарыстання. Вярталіся да ідэі падпалу абсталявання сістэмы «BelToll», але адмовіліся ад яе. Зразумела, што яны рыхтаваліся да падпалу, абмяркоўвалі матэрыялы і тое, як спрацуе іх прыстасаванне (называлі яго «пасылка»), але да пэўнага моманту не ведалі, што менавіта будуць падпальваць. У якасці жарту гучала нават фраза: «Окей, гугл, што падпаліць».
Цяпер чытаюць
Лукашэнка спрабаваў высветліць, хто настукаў Пуціну пра георгіеўскія стужкі12
Каментары