Учора атмасферны фронт выцесніў за межы Беларусі цёплыя паветраныя масы і гаспадарыць стала халоднае паветра. Мінулай ноччу на асобных метэастанцыях краіны назіраўся мокры снег. У выходныя лепш не стане — паветраныя масы будуць паступаць з акваторыі Нарвежскага мора, паведамілі Tut.by ў Белгідрамеце.
У суботу кароткачасовыя ападкі — дождж, мокры снег. Днём у асобных раёнах магчымыя навальніцы. Ноччу -3..+3°С, днём +4..+10°С, у Мінску максімум +7°С, але адчуванне холаду ўзмоцніць парывісты вецер.
25 красавіка, у нядзелю, мокры снег, дождж. Ноччу -4..+1°С, днём +3..+9°С. Такі тэмпературны фон на 2-5 ніжэйшы за кліматычную норму для гэтых красавіцкіх дзён. У Мінску да +6°С.
Пахаладанне пратрымаецца прынамсі да сярэдзіны наступнага тыдня.
26 красавіка, у панядзелак, днём +3…+9°С, у Мінску да +6°С.
27 красавіка днём +4..+11°С, у Мінску да +7°С.
28 красавіка, у сераду, максімальная днём +12°С, у Мінску да +9°С.
Паводле папярэдняга прагнозу, цяпла не чакацца да канца красавіка.
Каментары