Фота Depositphotos.com
1. Купля мясцовай прадукцыі.
Калі краіны апынуліся ў ізаляцыі, людзі былі вымушаныя аддаваць перавагу лакальным вытворцам, каб набыць неабходныя прадукты. Гэта, у сваю чаргу, значна зніжае вугляродны след чалавека, піша CNN.
Вялікая частка выкідаў вугляроду выкліканая транспарціроўкай прадуктаў харчавання да месца прызначэння. Чым меншы попыт на замежныя прадукты, тым менш шкоды атрымлівае планета.
2. Змяншэнне паездак на працу
Пасля пачатку пандэміі многія кампаніі пачалі працаваць дыстанцыйна. Гэта зменшыла колькасць машын на дарогах, што стала перавагай для навакольнага асяроддзя. Эксперты мяркуюць, што праца з дому пару дзён на тыдзень дапаможа знізіць выкіды вуглякіслага газу пасля заканчэння пандэміі.
3. Змяншэнне авіяпералётаў
Авіякампаніі сталі адной з тых галін, якая найбольш пацярпела ад пандэміі. Закрытыя межы прымусілі адмяніць рэйсы на нявызначаны тэрмін.
У выніку якасць паветра палепшылася ва ўсім свеце, але па меры таго, як колькасць палётаў расце, павялічваецца і колькасць выкідаў вуглякіслага газу.
Гэта не значыць, што трэба назаўсёды забыцца пра падарожжы. Аднак пандэмія паказала, што, напрыклад, шмат бізнэс-паездак можна паспяхова замяніць відэа-канферэнцыямі.
4. Больш часу на прыродзе
З пачаткам пандэміі некаторыя з’ехалі ў аддаленыя вёскі і мястэчкі далей ад вялікай колькасці людзей і бліжэй да прыроды.
Час, праведзены на прыродзе, паляпшае як фізічнае, так і псіхічнае здароўе. Па выніках даследавання, тыя, хто бавіць час на прыродзе не менш за дзве гадзіны на тыдзень, радзей скардзяцца на дрэннае самаадчуванне.
5. Нашэнне масак у грамадскіх месцах
Асабліва гэта актуальна тым людзям, якія адчуваюць сябе хворымі. Маска абараняе не толькі ад кавіду, але і ад іншых распаўсюджаных рэспіраторных захворванняў — такіх, як грып. Каранавірус зменшыў распаўсюджванне грыпу ва ўсім свеце, бо людзі масава пачалі насіць маскі. Таму гэту звычку варта захаваць і пасля пандэміі, асабліва калі ў вас з’яўляюцца сімптомы інфекцыі.
