Засушлівыя рэгіёны здаўна былі праблемай для сельскай гаспадаркі, бо недахоп вады часта прыводзіць да неўраджаю. Аднак навукоўцы распрацавалі новую тэхналогію, якая можа дапамагчы вырашыць праблему з недастатковай вільготнасцю глебы.

Гідрагель — гэта палімерны матэрыял, які ў вялікай колькасці можа паглынаць вільгаць, а затым паступова яе аддаваць. Гэты нетаксічны матэрыял можа захоўваць свае ўласцівасці ў глебе пры любых тэмпературных умовах на працягу пяці гадоў. Затым матэрыял цалкам распадаецца на вуглякіслы газ, ваду і азот.

Палімерны гідрагель паглынае ваду і ўтрымлівае яе на адным узроўні з каранямі. Затым вільгаць павольна вызваляецца ў адпаведнасці з патрэбамі расліны, у выніку чаго сельскагаспадарчыя культуры атрымліваюць дастатковую колькасць вады.

Як сцвярджаюць фермеры, выкарыстанне такой тэхналогіі дапамагае павялічыць ураджай удвая, а вады для гэтага патрабуецца значна менш.

Гідрагель у сельскай гаспадарцы з’яўляецца перспектыўным метадам вырашэння праблем, звязаных з недахопам вады ў глебе. Нідэрланды, ЗША, Аўстралія і некаторыя краіны Персідскага заліва ўжо прызналі гідрагель як найлепшую замену традыцыйным метадам арашэння.

Хочаш падзяліцца важнай інфармацыяй ананімна і канфідэнцыйна?