21.06.2009 / 22:28

Нэда — пакутніца іранскага паўстання + відэа 5

Пасля расстрэлу дэманстрацый у суботу паслявыбарчыя пратэсты ў Тэгеране набываюць іншы змест.

Пасля расстрэлу дэманстрацый у суботу паслявыбарчыя пратэсты ў Тэгеране набываюць іншы змест.

«Спачывай у спакоі, Нэда. Свет плача, гледзячы на твой апошні ўздых, але ты загінула не дарэмна. Мы памятаем пра цябе», - запіс пад такой назвай з’явіўся спачатку на Twitter-ы, пасля на новаўтвораным профілі на Facebook’у. Яны пра 27-гадовую Нэду, якая ў суботу загінула ад стрэлу басіджа ў часе дэманстрацыі ў Тэгеране, на якую прыйшла разам з бацькам.

Ёй прысвяцілі старонку і ў расійскай Вікіпэдыі.

У суботу загінулі многія пратэстоўцы, але здымкі акрываўленай дзяўчыны сталі самымі вядомымі. Яе смерць зафіксавалі два мабільныя тэлефоны, і кароткае відэа трапіла ў Інтэрнэт, які іранскаму ўраду ўдалося замарудзіць, але не ўдалося цалкам заблакаваць. Яна стаяла з сваім бацькам на тратуары, калі проста ў грудзі ёй трапіла куля.

Як і большасць сведчанняў пра падзеі ў Іране, гэтыя фільмы належаць невядомым аўтарам і немагчыма спраўдзіць сапраўднае імя, месца і час здарэння. Спачатку паведамлялася, што ёй 16 гадоў, пасля сталі гаварыць пра 27. Асобы, якія размясцілі гэтае відэа ў інтэрнэце, пішуць, што трагедыя здарылася 20 чэрвеня на вуліцы Каргяр, што на фарсі азначае Працоўных. Хто б яна ні была, яна страціла жыццё 20 чэрвеня ў ісламскім Тэгеране...

Страшнае відэа смерці Нэды:

Інфармацыя пра смерць Нэды стала самай каментаванай падзеяй у Твітэры ў суботу. Большасць каментатараў сыходзіцца на тым, што смерць Нэды — і яшчэ дзесяткаў людзей — змяняе характар падзеяў. «Гэта ўжо не выбары, гэта паўстанне», — усё часцей пішуць іранскія інтэрнаўты.

Целы Нэды ўлады аддалі сваякам для пахавання ў панядзелак, парэкамендаваўшы, каб хаўтуры прайшлі ціха і непублічна.

Нягледзячы на крывавыя падзеі суботы, у нядзелю дэманстрацыі прадоўжыліся, хоць і мелі пераважна лакальны характар.

Маніфестанты кантралююць шэраг вуліцаў і плошчаў. Акрамя таго, пратэсты набылі спецыфічна іранскую форму: уначы, у цемры, людзі гукаюць з пляскатых дахаў сваіх хатаў.

Менавіта так адбывалася і ў часе Ісламскае рэвалюцыі. Баі з басіджамі перакінуліся на правінцыйныя гарады, у інтэрнэце апублікаваныя відэа адтуль.

Лідэр апазіцыі Мірхасэйн Мусаві апублікаваў у Facebook’у заклік да ўсеагульнай забастоўкі пратэсту ў выпадку, калі яго арыштуюць.

МБ

0
Алесь* / Адказаць
21.06.2009 / 23:50
Няма словаў... гэта проста жах...
0
юля / Адказаць
22.06.2009 / 09:19
відэа было выдаленае
0
shok / Адказаць
22.06.2009 / 23:41
Какими высшими соображениями ,интересами государства,религией или еще каким нибудь патриотическим бредом может быть оправдана эта дикая расправа над людьми пытающимися вернуть государство к здравому смыслу.Эта кровь льется с мониторов прямо в души и сердца всех нормальных людей.Власть удержавшаяся такой ценой обречена.Особенно в такой религиозной стране как Иран.Очень пикантно выглядят поздравления этому доисторическому искапаемому Ахмади Неджаду от его друга АГЛ.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру