У выніку жанчына схапіла нож і ўдарыла мужа ў грудзі, ён памёр.

Падчас папярэдняга расследавання абвінавачаная патлумачыла, што забіла мужа, бо баялася за сябе і жыццё траіх дзяцей. Аднак сведкі паведамілі, што выхаваннем дзяцей у большай меры займаўся менавіта іх бацька, які якой-небудзь небяспекі для сям'і не ўяўляў.

Дзеці перададзены пад апеку сваякоў загінулага мужчыны.

Суд Кастрычніцкага раёна Мінска прызнаў жанчыну вінаватай у забойстве. У якасці пакарання суд прызначыў ёй пазбаўленне волі тэрмінам на 10 гадоў у калоніі агульнага рэжыму.

Прысуд не набыў законную моц, ён можа быць абскарджаны.

Адносіны паміж мужам і жонкай на працягу некалькіх гадоў былі вельмі нацягнутымі. Яны не разводзіліся, бо стаялі на чарзе на будаўніцтва жылля як шматдзетная сям'я — выхоўвалі траіх непаўналетніх дзяцей.

31 снежня 2020 года муж і жонка зноў пасварыліся — з-за кавалка піцы, які мужчына захацеў з'есці яшчэ да пачатку застолля. Муж даў жонцы поўху, а тая ў адказ з усёй сілы яго штурхнула. Затым жанчына схапіла на кухні нож і ўдарыла мужа ў грудзі. Той памёр.

Хочаш падзяліцца важнай інфармацыяй ананімна і канфідэнцыйна?