Недзе на Дамініцы, fotoart.org.ua
Прагноз надвор’я ў Беларусі на 24—26 чэрвеня.
Паводле прагнозу Рэспубліканскага гідраметэацэнтра, 24 чэрвеня ў Беларусі чакаецца воблачнае з праясненнямі надвор’е. На большай частцы тэрыторыі кароткачасовыя дажджы, месцамі навальніцы, магчымы град. Вецер паўночна‑ўсходні 6—11 м/с, пры навальніцах парывы да 15—20 м/с. Тэмпература паветра ноччу плюс 13—20°C, днём плюс 21—27°C, па Гомельскай вобласці месцамі да плюс 30°C.
У Мінску 24 чэрвеня будзе воблачна з праясненнямі. Кароткачасовы дождж, магчыма навальніца. Вецер паўночна‑ўсходні 6—11 м/с, пры навальніцы парывы да 14 м/с. Тэмпература паветра ноччу плюс 16—18°С, днём плюс 23—25°С.
У наступныя двое сутак, 25 і 26 чэрвеня, па краіне чакаецца воблачнае з праясненнямі надвор’е.
25 чэрвеня на большай частцы тэрыторыі пройдуць кароткачасовыя дажджы, месцамі навальніцы, днём у асобных раёнах магчымы град. Вецер паўночна‑ўсходні, усходні 7—12 м/с, днём пры навальніцах парывы да 15—20 м/с.
Тэмпература паветра ноччу плюс 13—20°C, днём плюс 20—27°C, па поўдні плюс 28—32°C.
26 чэрвеня месцамі кароткачасовыя дажджы, навальніцы. Вецер паўночна‑ўсходні 7—12 м/с, парывы да 14 м/с. Тэмпература паветра ўначы плюс 11—17°C, па поўдні да плюс 19°C, днём плюс 19—25°C, па поўдні да плюс 28°C.
У Мінску 25 чэрвеня чакаецца воблачнае з праясненнямі надвор’е. Кароткачасовыя дажджы, магчымы навальніцы. Вецер паўночна‑ўсходні, усходні 7—12, пры навальніцах парывы да 14 м/с.
Тэмпература паветра ноччу плюс 16—18°С, днём плюс 23—25°С.