У Гальшанах адкрылі адноўленую вежу замка ФОТЫ
Замак, які натхніў Караткевіча, стаяў у руінах амаль 150 гадоў.
6 мая адбылося ўрачыстае адкрыццё Паўночнай вежы Гальшанскага замка і турыстычна-інфармацыйнага цэнтра пры ім. «Падзея, без перабольшвання, знакавая, — напісаў у фэйсбуку рэстаўратар Ігар Чарняўскі. — Не ведаю, як хто, а я яе чакаў крыху больш за сорак гадоў, з дажджлівага і халоднага верасня 1980-га, калі мы разам з калегамі па Навукова-даследчым праектным бюро спецыялізаваных навукова-рэстаўрацыйных вытворчых майстэрняў пры Мінкультуры БССР правялі папярэднія работы на замку… У той час былі толькі мары пра будучыню славутага замка. Але добра, што, як бачым, мары матэрыялізуюцца. Шкада, праўда, што ў гэтыя хвалюючыя хвіліны каля замка малавата было тых, дзякуючы майстэрству чыіх рук гэта падзея адбылася, а тыя нямногія, хто ўсё ж, выпадкова ці не, прысутнічалі, сціпла туліліся з тылу ўзрушанага натоўпу».
Чытайце таксама: Як рэстаўруюць замак Сапегаў у Гальшанах
Цяпер чытаюць
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон42
Каментары