8 мая ў «Экспабеле» адкрываецца пункт вакцынацыі ад кавіду для ўсіх ахвотных
8 мая ў гандлёвым цэнтры «Экспабел» у Мінску адкрыецца цэнтр вакцынацыі ад COVID-19. Прышчэпку тут можа зрабіць любы чалавек штодня з 10.00 да 21.00 з перапынкамі на дэзынфекцыю.
З сабою трэба мець пашпарт або іншы дакумент, які пацвярджае асобу. Доктар вас агледзіць на месцы.
У цэнтры вакцынацыі будуць працаваць медыкі Мінскай цэнтральнай раённай клінічнай бальніцы.
Прышчапляць будуць «Спутнікам V».
Перад прышчэпкай пацыента будзе аглядаць лекар, мераць тэмпературу, збіраць эпідэміялагічны анамнез, вымяраць сатурацыю, аглядаць зеў.
Пасля ўвядзення прэпарату трэба будзе назірацца 30 хвілін, пасля чаго вам выдадуць даведку аб праходжанні першага этапу вакцынацыі. Не менш чым праз 21 дзень пацыенту трэба будзе зноў трэба будзе прыйсці на прышчэпку другога кампанента вакцыны.
На сёння ў Беларусі прышчапілася хоць бы адзін раз каля 3% насельніцтва. Для параўнання: у Літве — каля 29%, у Польшчы — 25%, у Расіі — каля 9%.
Вакцынацыя двума кампанентамі дае больш чым 90%-ю гарантыю, што ты не захварэеш на кавід прынамсі 6 месяцаў, а, найхутчэй, і цэлы год. А рызыка цяжкага працякання кавіду пасля вакцынацыі практычна выключаная.
Практыку стварэння пунктаў вакцынацыі ў гандлёвых цэнтрах беларусы перанялі ад Ізраіля і краін Еўропы, якія прасунуліся ў гэтым далей за нас.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў31
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары