Міністр абароны Украіны Андрэй Таран заявіў, што ў абаронным ведамстве пакуль не фіксуюць пагроз з тэрыторыі Беларусі.
Пра гэта Таран сказаў падчас размовы з журналістамі на усеўкраінскім форуме «Украіна 30. Бяспека краіны», піша УНІАН.
«Мы вельмі ўважліва адсочваем сітуацыю. Безумоўна, улічваем і такую магчымасць, магчымасць уварвання расійскіх войскаў з беларускага кірунку або распаўсюджвання, скажам так, вайсковай агрэсіі праз тэрыторыю Беларусі. Але, зараз, непасрэдных пагроз мы не адзначаем. У той жа час, у выпадку неабходнасці, у нас ёсць пэўныя планы, распрацаваны планы Генштабам, і мы ведаем, што рабіць, калі ўбачым прыкметы стварэння групоўкі Узброеных сіл, якая можа быць прыменена праз тэрыторыю Беларусі», — заявіў Таран.
Таксама ў яго спыталі, ці будуць украінскія войскі ўзмоцнена ахоўваць мяжу, калі на тэрыторыі Беларусі ў верасні пройдуць расійска-беларускія вучэнні «Захад-2021».
«Мы рыхтуем адпаведныя дзеянні таксама», — адказаў Таран.
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы58
Каментары