23.06.2009 / 18:32

Супертанныя ягады ў Мінску + фота 9

Клубніцы каштуюць 3500, а каторыя харашэйшыя і спялейшыя, чатыры тысячы. А чарэшні па 6000. Рэпартаж з Камароўкі Настассі Шамрэй.

Клубніцы каштуюць 3500, а каторыя харашэйшыя і спялейшыя, чатыры тысячы. А чарэшні па 6000. Рэпартаж з Камароўкі Настассі Шамрэй.

— Ці купляюць клубніцы? — пытаюся ў прадавачкі Тамары.

— Купляюць — не тое слова. Яшчэ раніцай горы клубніцаў былі, а да другой гадзіны дня ўжо толькі рэшткі засталіся.

— Але ці не занадта дорага па чатыры тысячы брэсцкія прадаваць?

— Купляюць — значыць не задорага. Але бывае, канешне, што некаторыя і не могуць сабе дазволіць. Сёння бабуля прыходзіла, дык мы ёй на 500 рублёў трошкі адмералі, а потым яшчэ зверху жменьку ад сябе падарылі.

Самае цікавае, што клубніцы каштуюць тыя ж 3500, што і мандарыны. І гэта ў краіне, дзе мандарыны ўвогуле не растуць.

Суніцы ды чарніцы ў адзін кошт з ананасамі, па сем‑восем тысяч. Толькі, калі ананас столькі каштуе за кілаграм, то ягады па 7‑8 тысяч за шкляначку.

Чарэшні беларускай на прылаўках пакуль няма. Толькі горы малдаўскай і ўзбекскай, саспелай ажно да чорнага, збольшага па шэсць тысяч, але ёсць і па 18 000!. Прычым стаіць доўгая чарга — напэўна, бяруць і за такія грошы.

З’явілася ўжо і маладая бульба. Кошты розняцца ад 2 000 за самую дробную да 4 000 за вялікую.

Я паспрабавала сфатаграфаваць бульбу за 4 000, але прадавачка цэннік схавала, «каб у газеце бачна не было». Пэўна, сорамна за такія цэны. Але, як стала вядома пазней, гэтай прадаўшчыцы яшчэ не было чаго саромецца, у бабулі ля ўваходу цана ў 6 000 стаіць. Яна таксама фатаграфавацца адмовілася, нават злавацца пачала, калі фотаздымач пабачыла.

Моркву маладую можна за 4 500 набыць, а капусту усяго за 1 500.

Шчаўе ды кроп ад 500 рублёў. А цыбуля ад малой да адносна вялікай ад 800 да 1 500.

Вось так ходзіш па Камароўскім рынку і дзіву даешся. Беларускія ягады, садавіна ды гародніна не саступаюць па цэнах экзатычным. Але пах клубніцаў у паветры ды выгляд свежай зеляніны, так і вабяць набыць усяго хоць па трошачку.

Настасся Шамрэй

Хочаш падзяліцца важнай інфармацыяй ананімна і канфідэнцыйна?

0
магадан / Адказаць
23.06.2009 / 18:41
Насцёна-сласцёна, у нас у горадзе-герое варшаве на вуліцах клубніцы зараз ад 3х залатых (на нашы 2700-2800). На Празе (за віслай) даўно ня быў - не здзіўлюся, калі і па 2 залатых будуць. Але клубніцы трэба даглядаць а мандарыны - пасадзіў і чакай, гэта вам не бульба
0
Mikola / Адказаць
23.06.2009 / 21:40
Magadan,znouku baiki pra doraie 'zahodneie zytie'.....A kali bez zartau ,senna zaisou u Lidl -0.5 kg. klubnicy 3.5 eura...No geta senna,a utcora bylo tanei... Belgie.
0
Demyan / Адказаць
23.06.2009 / 22:04
Ох, в (дорогом) лондонском супермаркете клубника стоит £1.99/фунт, т.е. около $6.5/кг. Пустите меня на Комаровку :) Рэд. Хіба там у супермаркеце ягады? А ў нас - учора збіраныя, з пясочку наднёманскага.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру