Фрагмент гутаркі з начальнікам аддзелу прызыву Мінабароны Андрэем Мурашовым.
Начальнік аддзела прызыву Мінабароны Андрэй Мурашоў распавёў БЕЛТА пра асаблівасці сёлетняга прызыву.
«Часта ў прэсе, у асноўным апазіцыйнай, мусіруецца моўны аспект службы ў войску. Хтосьці хоча, каб камандзіры да іх звярталіся па-беларуску. Ці ёсць з гэтым праблемы?» — запытаў карэспандэнт агенцтва начальніка аддзелу прызыву. Андрэй Мурашоў адказаў на гэта, што ў нас у краіне дзве дзяржаўныя мовы, таму ніхто не забараняе маладому чалавеку размаўляць на той мове, якая яму бліжэй, але
«для ўсеагульнага разумення каманды, як правіла, аддаюцца на расійскай мове».Мурашоў патлумачыў, што каманда павінна быць ясная і зразумелая любому вайскоўцу. І пры гэтым падкрэсліў, што тым не менш, зносіны па-беларуску ў войску ніхто не забараняе.
Нагадаем, што 17 чэрвеня 2009 году Зміцер Хведарук паведаміў сваім сябрам, што камандаванне вайсковай часткі, дзе ён праходзіць службу, забараняе яму аддаваць каманды па-беларуску ў часе дзяжурства.
***
Улетку 2009 году на прызыўныя мерапрыемствы будуць выкліканыя 130 тысяч прызыўнікоў. Для праходжання тэрміновай службы будзе накіравана 10 тысяч маладых людзей, а на службу ў рэзерве — 2 тысячы чалавек. Адпраўка ў войска будзе адбывацца з 15 па 30 ліпеня. Урачыстая цырымонія прыняцца прысягі адбудзецца 8 жніўня.
