Медыкі ў Індыі зарэгістравалі за мінулыя суткі 343 144 новыя выпадкі інфікавання каранавірусам. Агульная колькасць інфікаваных за ўвесь час эпідэміі ў краіне дасягнула 24 046 809, піша ТАСС.
Колькасць інфікаваных у Індыі расце рэкорднымі тэмпамі: пра тое, што гэты паказчык перавысіў 23 млн, Міністэрства аховы здароўя краіны паведаміла 12 мая, пра больш як 22 млн — 9 мая, а пра больш як 21 млн інфікаваных — 6 мая.
Колькасць смяротных зыходаў павялічылася за 24 гадзіны на 4 тыс. і дасягнула 262 317. У той жа час колькасць пацыентаў, якія адужалі, павялічылася за 24 гадзіны на 344 776 і дасягнула 20 079 599.
Прышчэпку ад каранавіруснай інфекцыі ў краіне за апошнія суткі зрабілі 2 027 162 чалавекі, агульная колькасць прышчэпленых дасягнула 179 298 584.
