Пасажырскі мікрааўтобус, які перавозіў грамадзян Беларусі, сутыкнуўся з грузавіком на трасе М-1 у Сафонаўскім раёне Смаленскай вобласці. У выніку шпіталізавалі 13 чалавек, адзін з іх — у вельмі цяжкім стане.
«Сёння раніцай у Сафонаўскім раёне на 298 км [трасы] М-1 «Беларусь» адбылося дарожна-транспартнае здарэнне з удзелам пасажырскага мікрааўтобуса, у якім знаходзіліся 20 чалавек. Па папярэдніх звестках, у выніку ДТЗ пацярпелі і шпіталізаваныя 13 чалавек. Усе яны грамадзяне Рэспублікі Беларусь», — піша ТАСС.
Як удакладняецца, стан дзесяці пацярпелых ацэньваецца як сярэдняй цяжкасці, двое — у цяжкім стане, адзін — у вельмі цяжкім.
Tut.by дадае, што фура была з рэгістрацыйнымі знакамі Гродзенскай вобласці, а мікрааўтобус — з мінскай рэгістрацыяй.
Каментары