У Лагойскім раёне загінуў 68-гадовы пенсіянер, зваліўшыся з рыштаванняў вышынёй два метры
Здарэнне адбылося 17 мая ў адным з садовых таварыстваў Лагойскага раёна.
68-гадовы мужчына з Мінска рамантаваў дах на сваім лецішчы. Пры правядзенні работ ён упаў з будаўнічых рыштаванняў вышынёй каля 2 метраў і загінуў, паведамляе СК.
У СК таксама нагадваюць тры правілы бяспечных паводзін:
— пры выкананні такіх работ на вышыні неабходна быць уважлівым, не адцягваць увагу на староннія рэчы;
— да пачатку прац варта забяспечыць устойлівасць будаўнічых рыштаванняў і пераканацца ў правільнасці іх мацавання;
— працы на вышыні звыш 1,8 метра праводзіць з ужываннем страховачных сістэм.
Каментары