Дырэктар Нацыянальнай бібліятэкі сыходзіць пасля 18 гадоў працы
Раман Матульскі, які кіраваў бібліятэкай з 2003 года, пакідае пасаду генеральнага дырэктара.
Матульскі пацвердзіў «Нашай Ніве» гэтую інфармацыю.
Фота sb.by
«Пераходжу на працу ва ўніверсітэт культуры, адкуль я і выйшаў. Вяртаюся на кафедру бібліятэчна-інфармацыйнай дзейнасці. Заўтра першы працоўны дзень ва ўніверсітэце», — паведаміў ён.
Раману Матульскаму 59 гадоў. Ён узначальваў Нацыянальную бібліятэку з 2003 года. Да гэтага Матульскі 12 гадоў працаваў ва ўніверсітэце культуры.
Матульскі — доктар педагагічных навук, прафесар, мае званне заслужанага дзеяча культуры.
Па непацверджанай інфармацыі, цяпер Нацыянальную бібліятэку ўзначаліць Аксана Кніжнікава. Яна дырэктарка Мінскай абласной бібліятэкі імя Пушкіна.
Каментары