Тэатр

У трупу Купалаўскага тэатра набралі студэнтаў. Яны вучацца на спецыяльнасці «народныя спевы»

Трупа Нацыянальнага тэатра імя Янкі Купалы, папоўнілася чатырма новымі прозвішчамі. Трое з іх — студэнты, якія вучацца зусім на іншай спецыяльнасці.

Адзін з новых купалаўцаў — Артур Цыцура. Ён нарадзіўся ў 1999-м у Гродне, вучыўся ў мясцовым каледжы мастацтваў. Ва Універсітэце культуры выступаў у складзе вакальна-харэаграфічнага ансамбля «Валачобнікі». Яго старонкі ў сацыяльных сетках падпісаныя па-беларуску.

Артур Цыцура

Разам з ім у Купалаўскі ўзялі двух яго аднагрупнікаў. Адзін з іх — Антон Нікішын. Ён 2000 года, родам з Ашмянаў. Летась Нікішын ды Цыцура разам выступалі на ўніверсітэцкай канферэнцыі з дакладам пра творчасць кампазітара Станіслава Манюшкі.

Антон Нікішын

Яшчэ адзін іх аднагрупнік — Іван Аксёнчык. Ён 1998 года нараджэння, родам з Узды.

Адзін з выкладчыкаў Універсітэта культуры расказаў «НН», што Аксёнчык быў яго студэнтам: «Вельмі здольны ў прафесійным плане — як для Універсітэта культуры. Шмат чым цікавіўся і займаўся самастойна, больш чым прадугледжана вучэбным планам. Што тычыцца агульначалавечых якасцяў, добра не ведаю. Увогуле, прычыны, якія прымушаюць людзей рабіць такія ўчынкі, вельмі празаічныя. Большасць — гэта ўсё людзі з глыбокай дэпрэсіўнай правінцыі, якія чапляюцца за любыя шанцы палепшыць свой сацыяльны і матэрыяльны стан».

Іван Аксёнчык

Хлопцы паступілі ў ВНУ ў 2019 годзе. Іх прынялі на бюджэт на спецыяльнасці «спевы (народныя)». То-бок яны нават не вучацца на акцёраў.

У Купалаўскім іх выкарыстоўваюць у масоўцы. Усе трое выходзяць у адных і тых жа ролях: Хлопца (у «Паўлінцы») ды Анёла ў «Чорнай Панне Нясвіжа».

Таксама ў Купалаўскі ўзялі актрысу Кацярыну Качан. Яна мінчанка, нарадзілася ў 1992-м. У 2015-м скончыла Акадэмію мастацтваў.

Аксёнчык і Нікішын адмовіліся даць каментар «Нашай Ніве», звязацца з Цыцурам і Качан не ўдалося.

Хто наогул працуе ў Купалаўскім? Зараз у трупе 23 чалавекі. Дзесяць з іх засталіся ў тэатры пасля жнівеньскіх падзей (прычым адна з іх, Галіна Арлова, даўно не выходзіць на сцэну). Астатніх 13 узялі праз кастынгі.

Чацвёра з навічкоў ужо маюць прафесійную адукацыю, астатнія дзевяць — студэнты Універсітэта культуры.

За год дзяржаўны Купалаўскі не паставіў ніводнага новага спектакля, толькі аднавіў тры старыя, што ўжо ішлі на сцэне: «Паўлінку», «Вечар» і «Чорную панну Нясвіжа».

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Лукашэнка кажа, што прапаноўваў Захаду «перадаць некалькі тысяч» палітвязняў24

Лукашэнка кажа, што прапаноўваў Захаду «перадаць некалькі тысяч» палітвязняў

Усе навіны →
Усе навіны

Індыйскія дактары падчас падрыхтоўкі пацыенткі да аперацыі выявілі новую групу крыві

У Японіі пасля землятрусу на бераг выкінула некалькіх кітоў ВІДЭА1

На Камсамольскім возеры ў Мінску канцэнтрацыя нафтапрадуктаў большая за дапушчальную ў 4,2 раза3

Ці можна праваслаўнаму дасылаць дыкпікі? «Калі яна сама просіць»11

На скляпеннях храма ў Мураванцы з’явіліся расколіны5

Трамп наклаў 25% пошліны на Індыю4

Чамаданава расказала, што катэгарычна нельга абмяркоўваць на кухнях29

«Больш глядзіце беларускае тэлебачанне». Чыноўнік з Мінюста адказаў на заклапочанасць умовамі ўтрымання палітвязняў8

У Мінску за вырошчванне канопляў затрымалі ўладальніка начнога клуба4

больш чытаных навін
больш лайканых навін

Лукашэнка кажа, што прапаноўваў Захаду «перадаць некалькі тысяч» палітвязняў24

Лукашэнка кажа, што прапаноўваў Захаду «перадаць некалькі тысяч» палітвязняў

Галоўнае
Усе навіны →

Заўвага:

 

 

 

 

Закрыць Паведаміць