Мінулы лідар, Вена, не ўвайшоў нават у першую дзясятку рэйтынга.
Пандэмія кавіду змяніла да непазнавальнасці рэйтынг найлепшых гарадоў для жыцця, які робіць штогод аналітычная кампанія Economist Intelligence Unit. Замест Вены на першае месца ў спісе гарадоў мары ўзляцеў новазеландскі Окленд. Іншыя гарады астраўных дзяржаў — Аўстраліі, Новай Зеландыі і Японіі — таксама занялі высокія месцы.
Сталіца Аўстрыі лідзіравала ў спісе з 2018 года, а яе пастаянным канкурэнтам быў аўстралійскі Мельбурн. Але Новая Зеландыя здолела з дапамогай лакдаўну і астраўнога становішча пазбавіцца ад кавіду на сваёй тэрыторыі, і гэта прасунула новазеландскія гарады на першыя пазіцыі рэйтынгу, тлумачыць Guardian.
У сваёй заяве аналітыкі патлумачылі, што прынятыя новазеландскім урадам меры дазволілі пазбавіцца лакдаўну і даць магчымасць жыхарам такіх гарадоў, як Окленд і Велінгтан, весці лад жыцця, падобны да дапандэмійнага. Велінгтан, у сваю чаргу, заняў чацвёртае месца ў рэйтынгу. На другім месцы апынулася японская Осака, на трэцім — аўстралійская Адэлаіда.
Аналітыкі таксама склалі рэйтынг і найменш прыгодных для жыцця гарадоў. Тут лідзіруе венесуэльскі Каракас. Другое месца займае эканамічная сталіца Камеруна Дуала, трэцяе — зімбабвійскі Харарэ.
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары