У МУС распавялі, што прадстаўнікі Чырвонага Крыжа не прапаноўвалі падпісаць прашэнні аб памілаванні
Сёння з'явілася інфармацыя аб тым, што людзям, якія чакаюць суда ў СІЗА, прапаноўваюць напісаць прашэнне аб памілаванні. Гэтыя людзі называюць сябе «прадстаўнікамі Чырвонага Крыжа», кажуць крыніцы «Нашай Нівы».
У самой арганізацыі абвяргаюць сваю датычнасць.
Пазней з'явіўся і каментар МУС.
«Сёння на некаторых дэструктыўных інтэрнэт-рэсурсах з'явілася чарговая порцыя хлусні аб пенітэнцыярнай сістэме Беларусі. Інфармацыя інтэрнэт-крыніц аб тым, што прадстаўнікі Чырвонага Крыжа ўгаворваюць пісаць падследных прашэнне аб памілаванні, не адпавядае рэчаіснасці», — распавялі ў МУС.
NN.by
Хочаш падзяліцца важнай інфармацыяй ананімна і канфідэнцыйна?
Пішы ў наш Тэлеграм
