Увечары 9 чэрвеня 19-гадовы хлопец атрымаў траўмы ад выбуху нявысветленага прадмета на пустцы ў Заводскім раёне сталіцы, піша СК.
Месца здарэння. Фота СК
Хлопца з пашкоджаннямі ног шпіталізавалі.
Праца следчых на месцы здарэння завяршылася раніцай. Эксперты-выбухатэхнікі агледзелі месца здарэння. Апыталі відавочцаў, прызначылі шэраг экспертыз.
«Хлопец і дзяўчына выгульвалі сабаку, той хацеў панюхаць прадмет, падобны да шару, хлопец піхнуў яго нагой — выбух. Шар быў падобны на круглы скрутак, абматаны скотчам. Нагу мы перацягнулі дзягай. Дзяўчына потым побач знаходзілася, а сабака спалохаўся і ўцёк…» — распавяла «Анлайнеру» жыхарка суседняга шматпавярховіка, якая курыла на балконе ў момант выбуху і першая прыбегла дапамагчы хлопцу.
