Схаванае разгортванне войскаў адпрацуюць на маючых адбыцца сумесных расійска-беларускіх вучэннях «Захад-2021». Аб гэтым у інтэрв'ю газеце «Чырвоная зорка» распавёў камандуючы войскамі Заходняй ваеннай акругі (ЗВА) Расіі генерал-палкоўнік Аляксандр Жураўлёў, піша ТАСС.

«Павышаная ўвага надаецца апераджальнай гатоўнасці сістэм кіравання і ўсіх відаў забеспячэння, а таксама схаванаму разгортванню неабходнай групоўкі», — заявіў ён.

Таксама будуць адпрацоўвацца навыкі, атрыманыя ў выніку асваення вопыту баявых дзеянняў ва ўмовах сучасных ваенных канфліктаў. «Намі адпрацаваныя і ўкаранёныя ў войскі нестандартныя спосабы дзеянняў батальённых тактычных груп пры адбіцці ўдараў нізкалятальных паветраных цэляў, беспілотных лятальных апаратаў і барацьбе з хуткаснымі бронеаб'ектамі», — адзначыў камандуючы ЗВА РФ.

Сумесныя стратэгічныя вучэнні «Захад-2021» пройдуць у верасні на ваенных палігонах Беларусі і Расіі. Раней паведамлялася, што ў аснову задумы вучэнняў пакладзены адзін з магчымых варыянтаў эскалацыі ваенна-палітычнай абстаноўкі супраць ўмоўнай дзяржавы. Міністр абароны РФ Шайгу заяўляў, што на вучэннях будзе масава прымяняцца вайсковая авіяцыя.

Хочаш падзяліцца важнай інфармацыяй ананімна і канфідэнцыйна?