Іллю Бегуна «сышлі» з Круглага стала Васкрасенскага: кажуць, што скраў паролі ад сайта
Ад 28 мая Ілля Бягун больш не з’яўляецца намеснікам дырэктара Круглага стала дэмакратычных сілаў (КСДС), які ўзначальвае Юрый Васкрасенскі.
Афіцыйна разышліся па згодзе бакоў, але кажуць, што Васкрасенскі проста не захацеў раздзьмуваць скандал.
Праўладны блогер з Брэста Аляксей Голікаў агучыў такую версію: «Зусім нядаўна ў Мінску адбылася адна вядомая выстава, да якой Бягун павінен быў падрыхтаваць інфармацыйнае суправаджэнне. Мала таго, што ён не выканаў узятыя на сябе абавязкі, ён яшчэ перастаў адказваць на тэлефанаванні. То-бок проста знік. Прыхапіўшы з сабой усе паролі сайта КСДС Васкрасенскага. Увесь калектыў быў шакаваны непрагназаванымі дзеяннямі Бегуна».
Сам Ілля Бягун у каментары «НН» так патлумачыў свой сыход з КСДС: «Гэта мой асабісты погляд. Я нашмат менш ліберальны і дэмакратычны за Юрыя. Разумееце, гэта трошку дзіўна, калі арганізацыя называе сябе Круглы стол дэмакратычных сілаў, а я, хутчэй, больш кансерватыўных поглядаў».
Што тычыцца версіі Голікава, то Бягун кажа наступнае: «Ох… Гэта вясёлая гісторыя, якія ён там сабе надумаў паролі — чыста ягоная справа. Пацярпелага боку няма — заявы няма. Не існуе ніякага панятку «скрадзеныя паролі» — гэта нават глупа гучыць. Усю ўнутраную сістэму, файлы, сховішчы — ўсё настройваў сам. Я да гэтага стаўлюся проста: сабакі брэшуць — караван ідзе».
Сам кіраўнік КСДС Юрый Васкрасенскі адмовіўся каментаваць версію з паролямі. Адзначым, што сайт КСДС не аднаўляўся ад 21 мая да 11 чэрвеня.
Пасля таго як Бягун разышоўся з КСДС, ён стаў крытыкаваць «Белую Русь», якую ён назваў «зборышчам баброў, што грызуць бюджэт і нічога не робяць. Асабліва гэтыя сімулянты, што ў норы схаваліся ў жніўні мінулага года, добра падыходзяць пад катэгорыю трацкістаў, што падчас вайны ў таварыша Сталіна наогул пайшлі б да сценкі — бо раскладаецца дзяржава знутры», — напісаў Бягун.
Ілля Бягун — у мінулым праграміст, актывіст штаба Цапкалы, быў палітэмігрантам. Пасля выбараў з’ехаў у Літву, але ў пачатку 2021 года вярнуўся ў Беларусь, уключыўся ў працу КСДС, а таксама стаў госцем дзяржаўных тэлеканалаў, дзе брудна выказваўся пра апазіцыю.
Чытайце таксама: Хто такі Ілля Бягун, які на дзяржаўным ТБ вылівае бруд на фонды салідарнасці і штаб Ціханоўскай?
-
У злітай размове сілавікі абмяркоўваюць, як адсочваюць людзей па лакацыі мабільнага тэлефона. Надзейна схавацца з ім складана
-
Касы самаабслугоўвання патрабуюць беларусаў сканаваць адразу два коды. Што адбываецца?
-
«Не пойдзе на карысць прусаку». МЗС Украіны адрэагаваў на словы Лукашэнкі пра Зяленскага
Каментары