01.07.2009 / 11:52

Ад сёння адпусцілі цэны на паслугі пральняў, хімчыстак і цырульняў

Цэны на паслугі пральняў, хімчыстак, цырульняў, дакументальнай фотаздымкі ў Беларусі з 1 ліпеня будуць фарміравацца свабодна. Аб гэтым паведамілі БЕЛТА ў Мінэканомікі.

Гэтыя віды паслуг выключаюцца з пераліку сацыяльна значных тавараў (работ, паслуг) і лекавых сродкаў, цэны (тарыфы) на якія рэгулююцца Міністэрствам эканомікі, аблвыканкамамі і Мінскім гарвыканкамам. Рашэнне аб гэтым замацавана пастановай Савета Міністраў нумар 752.

Акрамя таго, дадаткова з рэгуляваных тавараў выключаюцца некаторыя віды малака і хлебабулачных вырабаў: малако стэрылізаванае, топленае, казінае, здобныя булачныя вырабы, абараначныя і сухарныя вырабы, пірагі, піражкі, пончыкі.

Як растлумачылі ў Мінэканомікі, выключэнне гэтых тавараў і паслуг з пераліку рэгуляваных абумоўлена тым, што ў Беларусі па іх ужо склалася пэўная кан’юнктура цэн (тарыфаў).

Свабоднае фарміраванне цэн (тарыфаў) на гэтыя пазіцыі, у першую чаргу на паслугі, дасць магчымасць прыцягнуць у сферу бытавога абслугоўвання суб’екты малога прадпрымальніцтва і тым самым будзе садзейнічаць стварэнню канкурэнтнага асяроддзя ў гэтай сферы, адзначылі ў Міністэрстве эканомікі

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру