Тэрмiн рэгiстрацыi правоў на зямельныя ўчасткi ў садоўнiцкiх таварыствах прадоўжаны да 1 студзеня 2012 года
Да 1 студзеня 2012 года прадоўжаны тэрмiн звароту грамадзян у адпаведныя арганiзацыi па дзяржаўнай рэгiстрацыi нерухомай маёмасцi, правоў на яе i здзелак з ёю для дзяржаўнай рэгiстрацыi сваiх правоў на зямельныя ўчасткi ў садоўнiцкiх таварыствах.
Аб гэтым гаворыцца ва ўказе № 350 «Аб унясеннi дапаўненняў i змяненняў ва Указ Прэзiдэнта Рэспублiкi Беларусь ад 28 студзеня 2008 г. № 50», якi 26 чэрвеня падпiсаў кiраўнiк дзяржавы Аляксандр Лукашэнка.
Дакумент накiраваны на ўрэгуляванне асобных праблем дзейнасцi садоўнiцкiх таварыстваў i iх членаў.
Так, замацаваны спрошчаны парадак перадачы‑прыёму з уласнасцi садоўнiцкiх таварыстваў ва ўласнасць Рэспублiкi Беларусь высакавольтных электрычных сетак (паветраных i кабельных лiнiй электраперадачы напружаннем 10 кВ i трансфарматарных падстанцый 0,4/10 кВ), нарматыўны тэрмiн эксплуатацыi якiх не скончыўся, эксплуатацыя якiх пачата да ўступлення ў сiлу Закона Рэспублiкi Беларусь «Аб дзяржаўнай рэгiстрацыi нерухомай маёмасцi, правоў на яе i здзелак з ёю» (гэта значыць да 8 мая 2003 года).
Названая маёмасць будзе прымацца ў рэспублiканскую ўласнасць па рашэннi Мiнiстэрства энергетыкi ў яе фактычным стане з умовай устаноўкi садоўнiцкiмi таварыствамi вынасных размеркавальных устройстваў (для зняцця паказанняў прыбораў разлiковага ўлiку электрычнай энергii). Прадугледжаны заяўны прынцып дзяржаўнай рэгiстрацыi садоўнiцкiх таварыстваў, працэдура яе правядзення, а таксама парадак лiквiдацыi садоўнiцкiх таварыстваў прыведзены ў адпаведнасць з патрабаваннямi дэкрэта ад 16 студзеня 2009 г. № 1 «Аб дзяржаўнай рэгiстрацыi i лiквiдацыi (спыненнi дзейнасцi) суб’ектаў гаспадарання», падкрэслiлi ў прэс‑службе Прэзiдэнта. Указ уступае ў сiлу з дня яго афiцыйнага апублiкавання.
Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму
Каментары