«Шукаюць, хто раскідаў вымазаныя фекаліямі партрэты Лукашэнкі». Стала вядома, чаму сілавікі прыходзілі да спявачкі з-пад Жабінкі
У Жабінцы некалькі дзён таму прайшоў ператрус у мясцовай зоркі Наталлі Дырман — заснавальніцы народнага калектыву гумару і песні «Хмелеўскія валацугі». Дырман прызнавалася «Чалавекам года» ў галіне культуры на Берасцейшчыне, мае шмат узнагарод, маці траіх дзяцей. Наталлю нават затрымалі на 72 гадзіны, але пасля адпусцілі. Але што ж стала прычынай цікавасці сілавікоў да жанчыны?
Да Наталлі прыйшлі з ператрусам, бо цяпер па ўсёй Жабінцы шукаюць людзей, якія раскідалі па горадзе партрэты Лукашэнкі, вымазаныя фекаліямі.
«Нашай Ніве» распавялі, што гэтыя партрэты раскідалі даўно, больш за месяц таму. Але цяпер шукаюць, хто зрабіў, ходзяць да ўсіх актыўных людзей.
У Дырман сілавікі забралі тэлефон, бела-чырвоны парасон, вокладку на пашпарт з Пагоняй і кнігу Паўла Севярынца «Люблю Беларусь».
Таксама падчас ператрусу прагледзелі тэлефон яе дачкі. Там знайшлі фота, дзе Наталля стаіць з бела-чырвоным парасонам, побач людзі са сцягам: бела-чырвона-белы сцяг з жабкай на ім. Тэлефон дачцэ аддалі, але тую фотку сілавікі спампавалі сабе. І ў выніку за яе на Наталлю склалі пратакол за пікет.
Ці будзе суд і калі ён будзе па тым пратаколе — пакуль невядома.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Паветраная гімнастка паказала закуліссе працы ў Белдзяржцырку7
Каментары