01.07.2009 / 16:45

Быў, быў у Гародні Дняпро! 9

Ці ведаеце вы што… у канцы ХVIII стагоддзі праз Гародню працякаў Дняпро, а не Нёман? Прынамсі гэтак сцвярджаюць укладальнікі дапаможніка «Гістарычны Атлас Беларусі».

Вокладка атласа.

Ці ведаеце вы што… …у канцы ХVIII стагоддзі праз Гародню працякаў Дняпро, а не Нёман? Прынамсі гэтак сцвярджаюць укладальнікі дапаможніка «Гістарычны Атлас Беларусі. Том 1. Беларусь ад старажытных часоў да канца ХVIII ст.», які пабачыў свет у 2008 годзе ў Варшаве.

Не блытайце гэты атлас з афіцыйным «Вялікім гістарычным атласам Беларусі» пад рэдактарствам Вячаслава Насевіча, пра які пісалася тутака.

Так, на старонцы 98 пад агульным загалоўкам «Планы гарадоў у ХVІІ- ХVІІІ стст.» пададзены план Гародні канца ХVІІІ стагоддзя, праз якую паводле мастака ў бок Балтыйскага мора цячэ менавіта «Дняпро». Цікава, што зусім побач са злашчаснай назвай красуецца гарадзенскі раён Занёманне.

Перарабляючы старую показку пра адсутнасць на Беларусі мора, у гэтым выпадку можна зазначыць: «Быў, быў у Гародні Дняпро, сынок… Але ворагі гразюкай пазакідалі!».

Да гонару ўкладальнікаў «Гістарычнага Атласа Беларусі», гэта бадай адзіны ляп у грунтоўна ўкладзеным і дыхтоўна аформленым томе, над якім працаваў цэлы сонм вядомых гісторыкаў.

ЛК

Хочаш падзяліцца важнай інфармацыяй ананімна і канфідэнцыйна?

0
Капялюш / Адказаць
01.07.2009 / 17:40
Яшчэ і палац Сангушкаў не там пазначаны.
0
Litvin / Адказаць
01.07.2009 / 18:10
Камэдыя
0
Dzjadulja / Адказаць
01.07.2009 / 18:39
«працаваў цэлы сонм вядомых гісторыкаў» --> У Беларускае мове НЯМА слова «сонм». Яно сюды жыўцом устаўленае з Маскальскае: (стар. высок.) Скопление, множество кого-н. (С.Ожегов) Кажуць: збор вядомых гисторыкаў.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру