01.07.2009 / 23:29

Турэмны доктар: Аўтуховіч выходзіць на прагулкі 5

77-ы дзень ў менскім сьледчым ізалятары галадуе прадпрымальнік з Ваўкавыску. Афіцыйных паведамленьняў пра стан здароўя галадоўніка няма.

77-ы дзень ў менскім сьледчым ізалятары галадуе прадпрымальнік з Ваўкавыску. Афіцыйных паведамленьняў пра стан здароўя галадоўніка няма.

Сустрэцца з кіраўніком мэдычнага пункту менскага ізалятару можна па серадах, за гадзіну да абеду. Заходжу ў першы пад’езд, мяне запрашаюць у маленькі пакой, дзе за жалезнымі, у выглядзе сонейка, кратамі сядзіць жанчына-доктарка. Адразу пытаюся пра здароўе Мікалая Аўтуховіча:

— Мікалай Аўтуховіч. Як ён сябе адчувае?

— Ну як адчувае? Сказаць, што добра не магу, вы ж ведаеце, што ён галадуе.

— Так, ужо болей за 70 дзён.

— Мы зь ім кожны дзень гутарым, каб ён спыніў галадоўку, але ён нас ня слухае. Ён атрымлівае кропельніцы. І раней атрымліваў, і цяпер.

— Можа, яшчэ нейкія таблеткі?

— А якія таблеткі? Якія вітаміны, калі чалавек галадуе? Вось праз кропельніцу робім і зь вітамінамі. А ў страўнік нельга. І ён адмаўляецца, і нельга. Толькі празь вену ў кроў. Вось дапамагайце нам яго пераканаць, што гэта ня мае сэнсу.

— А наколькі ён схуднеў? Адвакат, які бачыў яго на мінулым тыдні, казаў, што вельмі схуднеў.

— Ну, не зусім. Патаўсьцей за вас выглядае. Але калі параўнаць з тым, як да нас патрапіў, дык канечне. Схуднеў.

— Ці выходзіць ён на прагулкі?

— Так. Выходзіць. Ваду п’е, кропельніцу робім, такім чынам… Ваду даем яму не турэмную, а мінэральную, з гэтым усё вырашылі. Ляжыць пад наглядам, у стацыянары.

***

Паводле ранейшых зьвестак адваката Паўла Сапелкі Мікалай Аўтуховіч страціў болей за 20 кіляграмаў вагі, але рашучасьці працягваць галадоўку не згубіў і настойвае на сваіх патрабаваньнях: альбо вызваліць яго пад падпіску пра нявыезд і працягваць сьледзтва па ягонай справе, альбо перадаць справу ў суд, як абяцала кіраўніцтва міліцыі яшчэ ў сакавіку.

У сьледчым ізалятары ён знаходзіцца ад 8 лютага.
Прадпрымальнка абвінавачваюць у падпале дома міліцыянта і падазраюць у датычнасьці да захоўваньня гранатамёту. Сваёй віны Аўтуховіч не прызнае і кажа пра палітычны перасьлед.

Хочаш падзяліцца важнай інфармацыяй ананімна і канфідэнцыйна?

0
Витязь / Адказаць
01.07.2009 / 23:57
Долго над ним ещё будет издеваться эта усатая ***?
0
istra / Адказаць
02.07.2009 / 01:29
Памятаю Мікалая АЎтуховіча на судзе ў Гародні ў 2006 годзе пасля 74-дзённай галадоўкі. Ледзь хадзіў і невядома як трымаўся на нагах на покліч "Суд ідзе!". Гэта мужны чалавек. Не забывайцеся пра тое, што за кратамі Асіпенка і Лявонаў - ягоныя паплечнікі. Ім таксама сёння цяжка, бо ад іх патрабуюць немагчымага. Няма ў гэтай ўлады сораму. Як за саветамі, жыццё чалавека нічога не каштуе.
0
zhorau / Адказаць
02.07.2009 / 17:42
http://community.livejournal.com/my_dapamozham/
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру