Журналісту Андрэю Аляксандраву выставілі абвінавачванне ў здрадзе дзяржаве
Журналісту і медыяменеджару Андрэю Аляксандраву 30 чэрвеня выстаўлена новае абвінавачанне — па ч. 1 арт. 356 Крымінальнага кодэкса (здрада дзяржаве). Пра гэта паведаміў БелаПАН ягоны адвакат Антон Гашынскі. Такім чынам, Аляксандраву пагражае ад 7 да 15 гадоў пазбаўлення волі.
Раней Аляксандрава абвінавацілі па ч. 1 і 2 арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Максімальны тэрмін утрымання пад вартай па гэтым артыкуле — шэсць месяцаў. Ён заканчваецца 12 ліпеня.
Андрэй Валер'евіч Аляксандраў — беларускі журналіст і медыяменеджар.
Ён быў затрыманы 12 студзеня 2021 г. супрацоўнікамі МУС. Разам з ім была затрыманая яго дзяўчына Ірына Злобіна, з якой ён разам жыве.
15 студзеня ў афіцыйным паведамленні намеснік міністра ўнутраных спраў Рэспублікі Беларусь Генадзь Казакевіч заявіў, што Аляксандраў і Злобіна былі затрыманыя «па падазрэнні ў фінансаванні пратэснай дзейнасці». Па ягоных словах, Аляксандраў і Злобіна са жніўня 2020 года займаліся фінансаваннем асобаў, якія бралі ўдзел у пратэстах у Мінску, у тым ліку шляхам аплаты штрафаў і кампенсаваннем сродкаў на ўтрыманне ў ЦІП і ІЧУ.»
Паводле паведамлення МУС, Аляксандраў з 22 жніўня па 9 лістапада аплаціў 250 штрафаў. Спісы і грошы на аплату штрафаў Аляксандраву перадаваў фонд BY Help.
Абодвух затрыманых змясцілі ў ІЧУ на Акрэсціна. Адтуль Аляксандрава перавялі ў СІЗА-1.
-
Сёння — апошні званок. Мінпрыроды просіць школьнікаў не запускаць у неба паветраныя шарыкі
-
«Магчыма, яна збегла ад каханка ці ён яе забіў, ці яна ў Беларусі». Аўтар расследавання пра Анжаліку Мельнікаву
-
У кобрынскай бальніцы патлумачылі, чаму ў ёй немэтазгодна мець свой апарат МРТ. Жыхары не згодныя
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння25
Каментары