Кавалеўскі патлумачыў, што азначае дыпламатычная акрэдытацыя офіса Ціханоўскай у Літве
У МЗС Літвы Святлане Ціханоўскай уручылі пасведчанне аб дыпламатычнай акрэдытацыі. Што гэта азначае?
«Нашай Ніве» адказаў прадстаўнік па замежных пытаннях офіса Святланы Ціханоўскай, Валер Кавалеўскі.
«Найперш, гэта прызнанне законных падставаў барацьбы беларусаў за свае правы, сімвалічны крок, які замацоўвае за Святланай Ціханоўскай статус лідара дэмакратычных сілаў і падкрэслівае, што беларускі народ павінен прадстаўляцца людзьмі, якія адстойваюць інтарэсы самога народа, а не палітычныя інтарэсы прыватнай асобы», — кажа Кавалеўскі.
«Мы вядзём перамовы аб адкрыцці такіх прадстаўніцтваў у розных краінах.
Гэта мае выглядаць амаль як паўнавартасная дыпламатычная праца, хіба што без магчымасці аказваць консульскія паслугі: юрыдычная дапамога беларусам за мяжой, напрацоўка гандлёва-эканамічных кантактаў, палітычных кантактаў, інфармаванне замежнай супольнасці аб сітуацыі ў Беларусі.
Гэта неабходнасць ва ўмовах, калі прастора для дзеяння афіцыйных прадстаўніцтваў рэзка скарочаная.
Пакуль што не стаіць пытанне аб тым, каб забраць у афіцыйных прадстаўніцтваў іх статус ці будынкі. Але гэта залежыць ад таго, як будзе сябе паводзіць рэжым у сваім стаўленні да непахісных каштоўнасцяў незалежнасці і суверынітэту».
Цяпер чытаюць
Азараў закрыў план «Перамога» і перавёў усіх удзельнікаў у рэзерв16
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3232
Каментары