Пашпарт міліцыя знайшла, а вось грошы зніклі.
Як паведаміў БелаПАН начальнік аддзялення крымінальнага вышуку Брэсцкага АУСТ Віктар Жабрун, 2 ліпеня да іх у дзяжурную часць звярнуўся дарадца мэра Смаленска. Ён сказаў, што з купэ цягніка «Масква — Берлін», у якім разам з мэрам ён ехаў за мяжу, была выкрадзена яго сумка, у якой знаходзіліся асабістыя рэчы дарадцы, а таксама два пашпарты — яго і мэра.
5 ліпеня выкрадзеная сумка была знойдзена супрацоўнікамі АУСТ недалёка ад чыгуначнай станцыі Цеўлі Кобрынскага раёна. У ёй было ўсё, апрача грошай (каля мільёна расійскіх рублёў), што належалі дарадцу. Сумка з усімі рэчамі вернутая ўладальніку.
Па дадзеным факце распачата крымінальная справа па арт. 205 КК РБ (крадзеж).
0
0
0
0
0
0
