13.07.2009 / 12:12

У Беларусі прыступілі да выпуску цёмнага нефільтраванага піва 5

Зрабілі гэта на піўзаводзе «Крыніца».

ААТ «Крыніца» першым у Беларусі выпусціла цёмнае пшанічнае нефільтраванае піва.

Пра гэта паведаміла Агенцтва дзелавых сувязяў са спасылкай на кіраўніцтва прадпрыемства. Раней на беларускім рынку прысутнічала толькі імпартнае піва такога тыпу.

Як паведаміў генеральны дырэктар ААТ «Крыніца» Рыгор Пяткевіч, 10 ліпеня разліта ў бутэлькі першыя 2 тыс. дэкалітраў новага гатунку піва «Культ пшанічнае цёмнае».

Для новага гатунку ААТ «Крыніца» падрыхтавала і новую форму бутэлькі. Як і іншыя гатункі піва, што выпускае ААТ «Крыніца», новы гатунак звараны з натуральных кампанентаў па традыцыйных тэхналогіях піваварства без выкарыстання замутняльнікаў, стабілізатараў і кансервантаў.

У склад піва «Культ пшанічнае цёмнае» ўваходзяць вада, ячменны светлы солад, пшаніца, пшанічны карамельны солад, хмель.

Шчыльнасць экстрактыўнага сусла склалае 12%. Пшанічны карамельны солад не вырабляецца ў Рэспубліцы Беларусь, таму півавары выкарыстоўваюць імпартны. Як сцвярджаюць дэгустатары, новы гатунак піва мае «мяккі смак са слабай хмелевай гаркатой, фруктова‑эфірным водарам, адценнем і водарам вострых спецый і пшанічнага карамельнага соладу».

Найбольш вядомымі вытворцамі гатункаў цёмнага пшанічнага піва з’яўляюцца Баварыя (ФРГ) і Бельгія.

***

Піўзавод «Крыніца» створаны ў 1975 годзе, у 1992‑м пераўтвораны ў арэнднае прадпрыемства, у 2001‑м — ААТ. У склад ААТ «Крыніца» акрамя піўзавода ў Мінску ўваходзяць Нясвіжскі завод па вытворчасці напояў і прадпрыемства «Полацкае піва».

БелаПАН

0
lazy / Адказаць
13.07.2009 / 12:38
Адчуваецца, што ў НН ужываюць іншыя напоі. Пішыце поўны загаловак тады, "Цёмнае пшанічнае нефільтраванае піва". Бо і цёмнае нефільтраванае, і нефільтраванае пшанічнае паасобку робіцца і даволі даўно як Дзьвінскім Броварам (першае) так і той жа Аіварыяй (другое). Да таго ж яшчэ існуе так званае "Мінскае піва", якое шмат разнастайнае экзотыкі ў розны час рабіла (і робіць, бадай, зараз).
0
Scooter / Адказаць
13.07.2009 / 13:04
"10 ліпеня разліта ў бутэлькі першыя 2 тыс. дэкалітраў новага гатунку піва «Культ пшанічнае цёмнае»" -- гэта яны ў гонар 15 годзьдзя з дня абраньня Лукашэнкі ППРБ выпусьцілі? І назва падыходзіць - "Культ ..." :)
0
Гэх! / Адказаць
13.07.2009 / 15:12
Ужо трыбух трашчыць у чаканьні!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру