15.07.2009 / 17:56

Чаргінец: Быкаў пісаў вершы, і няма чаго тут смяяцца 20

Старшыня праўладнага Саюзу пісьменнікаў на прэс‑канферэнцыі з нагоды 75‑годдзя арганізацыі выказаўся супраць прыватызацыі імя Васіля Быкава, а таксама падзяліўся ўспамінамі «пра свайго сябру».

Старшыня праўладнага Саюзу пісьменнікаў Мікалай Чаргінец падчас прэс‑канферэнцыі з нагоды 75‑годдзя арганізацыі выказаўся супраць прыватызацыі імя Васіля Быкава, а таксама падзяліўся ўспамінамі «пра свайго сябру».

«Вельмі мне горка, калі спрабуюць прыватызаваць Быкава. Можа хтосьці яго і не ведаў, але нешта аб ім ужо піша, прыдумляе. Быкаў гэты здабытак нашай краіны, у першую чаргу. І вось крычаць, што Быкава не выдавалі, Быкава тэрарызавалі. Шаноўныя сябры, Быкаў быў дэпутатам Вярхоўнага Савета БССР, дэпутатам Вярхоўнага Савета СССР, Быкаў — Герой Сацыялістычнай працы, некалькі разоў узнагароджваўся ордэнамі. Гэта ж наш гонар, і Быкаў - вялікі пісьменнік. Калі кажуць «Быкава не выдавалі» — гэтае ж брахня. Калі ў адзін год выдаюцца адны і тыя ж кнігі па тры‑чатыры разы і гавораць, што Быкава вось замыкнулі. Гэта глупства.

З Быкавым я сябраваў і я шанаваў гэтае сяброўства. Шчыра кажучы, калі я быў у Аўганістане, акрамя Быкава ніхто столькі не напісаў мне лістоў. І вось паглядзіце, я ў музей аддаў, не памятаю, можа 50, можа 60 лістоў.

Але я не ўсё аддаў, бо там ёсць такія‑сякія яго характарыстыкі на тых, хто цяпер спрабуе яго прыватызаваць. Я не адважыўся, паважаючы памяць аб гэтым вялікім чалавеку.

Быкаў заўсёды быў з дзяржавай. Але былі ў іх і непаразуменні.

Выклікалі яго прадстаўнікі пэўных службаў. Я памятаю як ён распавядаў мне з болем у душы, ледзь не плачучы ад крыўды. Сапляк нейкі паклікаў,

і кажа ну‑ка пакажы, дзе Магадан на карце знаходзіцца.
Але Быкаў выдатна ва ўсім разбіраўся.

На жаль, дачасна сышоў з жыцця. Я ўпэўнены Быкаў быў бы са сваім словам вельмі патрэбен нашай краіне. І гэта разумеюць усе, у тым ліку і прэзідэнт Лукашэнка. Памятаеце як кпілі, Лукашэнка сказаў, што Быкаў вершы піша. Пачалі выкідвалі пасквілі і гразь. Насамрэч Быкаў пісаў вершы. Пісаў, родная сястра аб гэтым пацвердзіла. У інтэрв’ю Камсамолцы сказала, што яны ў яго кралі і чыталі, а ён нас лупіў за гэта. Што ж тут насміхацца над гэтым».

Запісала Настасся Шамрэй

0
Litvin / Адказаць
15.07.2009 / 18:02
Яшчэ адзiн вялiкi вынаходнiк паэзii Васiля Быкава - дурны гаспадар гаукнуу - рэба палiзаць
0
Іван(тэханмінгук) / Адказаць
15.07.2009 / 18:12
А родная сястра Быкава не сказала, што яны разам з Лукашэнкам кралі і чыталі тыя вершы Быкава. Ён тады быў малы, але ж прыбягаў з Александрыі ... вершы пачытаць. Во, блін, ногі якія хуткія.
0
Франц / Адказаць
15.07.2009 / 18:41
Чаргінец, ведаеце спадар, калі Вас так можна назваць - лепш маўчыце, а то смешна, да болю. ЛУКАШЭНКА СКАЗАЎ, ШТО ЧЫТАЎ І АЖНО ВУЧЫЎ, дык як жа ён мог іх чытаць і вучыць, калі яны не пайшлі ў друк? А? ІВАН +1
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру